Mamasoul Healing Station

有時朋友問你一句，你同老公最近好嗎？一時間我未必可用一句話，一個事例去表達關係的現況，好似點講都係會唔完整，唔深入去形容得到。 當Y媽引導我和老公為現時關係的狀態抽牌時，第一感覺係：「嘩，好中」，原來圖像可以好直接去挖掘到感受、期望同需要，令我哋好快好誠實地概括到可能單純憑空講要講兩個鐘的、現時面對的苦惱同掙扎。 接下來Y 媽的引導帶領我哋去唸內心的想法同感受，當我哋輪流去講同聆聽對方對同一件事的想法時，有圖卡的依據，好似令我哋聽到更多，而心中沒有只建立對錯或應該唔應該的「框框」，我唸我哋好耐無好好聆聽，同好好講清楚彼此重視的價值觀。 最後抽出圖卡去表達對關係的期望，令我印象深刻的係，可任由我哋去演繹卡上的「提示」，而唔係只係聽或接受一d 圖像意思。呢種開放性，加埋J媽Y媽後來分享佢哋的觀察同引發的思考，都令我哋好好消化同整理我哋討論過、聆聽到的需求，深思當中共通與不同之處，再想想點可以滿足對方和自己。 J媽亦提出了一d 我無唸過的觀點同思考方向，令到體驗完圖卡後一段都幾長的時間，我哋都延伸思考同討論好多，從而明白同體諒對方，衷心感謝佢哋。

黎workshop 之前其實對圖卡點樣連去情緒冇乜概念, 亦唔知道點做，可能就係因為冇expectation，從迷惘到發現嘅過程很奇妙——剛開始沒有預設，在圖卡的引導下逐漸接觸到自己內心的想法，甚至是自己都未曾留意的情緒和念頭。這種「透過另一個角度了解自己」的體驗，確實很神奇，也很有力量。然後幾個媽媽一齊聽住分析你睇到嘅野、自己嘅經歷問題、想法，整個過程係幾舒服。 我諗最激動嘅係我願意把這份內在嘅探索帶回家，同我老公分享。很多時候，我習慣把感受藏響心裡，尤其成為媽媽後，總係把注意力放在家庭和孩子身上，很少為自己留下表達感受的空間。我今次主動跨出去一步，不僅讓老公看到了我內心的世界，也開啟了我地之間更深層次的溝通可能。佢說「希望我多分享」，這句話背後，多多少少有一份接納與期待，呢個真係是一個美好的開始，希望同囡囡和家人之間有更多真誠對話的時刻， 多謝妳Y 媽！

Y媽，多謝你和大家今晚既聆聽和陪伴。以前嘅我係唔係都喊到豬頭咁，好多嘢好易trigger到大既情緒。而家都會有情緒，但感覺一路講嘅時候自己都有梳理緊，並且能夠表達多左內深感受。對我嚟講，我有勇氣將件事講出嚟，亦係你哋成班沒有批評嘅聆聽底下，已經幫我舒緩左一部份了。

很開心可以同同行的媽媽一起透過圖卡將內心的糾結同不安講出嚟，表面上分享一件憤怒的事，內藏好多擔憂、自責、恐懼，都由圖像把深層情緒呈現出嚟，感覺如探頭望望望「心的河流」底有甚麼，而最有趣是身邊有伙伴陪伴和各自努力「挖河」，大家都滿頭大汗，滿手污泥咁展示一下成果，一起苦笑和憤怒，喜歡果種互相傾聽和理解的氣氛，好溫馨。 圖卡亦好有趣，總找到意想不到的切入點，最後的語句都說中了內心所悟或最需要的提醒。

好多謝Y媽今次的安排，我覺得心理圖卡係好好去面對內在嘅機會。好開心可以靜落嚟，入裡面同自己嘅情緒感受吓，相處吓，未必唔再發脾氣，但係可以好好同自己靜靜的共處唔係易事。好感恩了解吓當下的自己，溫柔接受自己，再愛一愛自己。